Framfor 1. mailøpet legg vi no opp til nokre springetreningar ute. For dei yngste i aldersgruppa 6-9 år på torsdagar ca 18.10-18.50. For ti år og eldre frå ca 18.50 - 19.30. Når vi kjem over i mai vil treningane verte meir baneretta.
Treningane no i april vert lagde opp slik at dei skal passe for alle, og spesielt for dei yngste oppmodar vi difor foreldre å stille sporty kledde og ta del, men det er plass for alle aldersgrupper også på den andre treninga og berre fint om det er vaksne/ungdom som vil ta del.

Laurdag (17.10) gjekk første løp i vinterkarusellen 2018/19 med 24 deltakarar. Som trenden var også i fjor, er aktiviteten høgre og tilbodet vert meir verdsett sør om fylkesgrensa. Heile femten personar derifrå tok turen for ein frisk og kjekk treningsrunde på Åheim. Løpsvinnar vart Bjørnar Gangsøy frå Deknepollen. Elisabeth Hovdevik sette pers i kvinneklassa og synste at ho med jamn trening vil vere med å kjempe om ein ny siger i 1. mailøpet til sommaren. Førebels resultat:

Endeleg, snart fire månader etter planen, var tsjekkiske Jozef, Jiri og Lucaci frå firmaet Polytan i dagane 10.-13. september på plass for å legge kunstdekke langs eine langsida og i lengdetilløpet på skulebana. Når vi no også får sand i gropa, tar det til å kome seg.

Om helse og anna held seg oppe, prøver vi å starte opp att med friidrettstreningar i hallen frå torsdag 6. januar. For gruppa 6-9 år ca 18 - 18.50. For 10 år og eldre frå 19-20.00. Sko er ein fordel. Hugs at det skal vere lyse sålar.

Tar litt springetrening framfor 1. mailøpet også i dag torsdag 28.april, for dei yngre ca 18.30 - 19.15. For aldersgruppa ca 10 - 49 år frå ca 19.30 - 20.15.

Framover vil vi framleis ha trening, i alle fall for dei eldre, frå torsdag 12. mai og utover, der vi trenar meir stemneretta.  

Sju personar har i det siste gjennomført idrettsmerkeprøver. Vi satsar på å få med eit par til ein kveld, men vil gjerne ha med oss enno fleire å prøve seg på dette. Det er berre å ta kontakt med Ole Magne, så går det an å finne ei tid der ein heilt utan noko meir ser kva det går ut på.
Les meir om krav/gjennomføring i venstre marg.

Fredag 1.11 kl 17.30  satsar vi på å avvikle idrettsmerkeprøver på bana ved skulen.

Er du interessert, så ta deg ein tur for å sjå eller få orientering om krava. Det ligg også meir info under friidrett i venstre marg. Og for dei som er klare å prøve seg; ta gjerne litt trening i stille lengde på kjøkengolvet, men hugs å varme godt opp !