Styret inviterer med dette alle medlemar i idrettslaget til årsmøte i klubben, på Løvold, 25. mars kl 19:00. Vi vonar alle med glede av aktivitet i bygda stiller opp for å støtte laget, og ta del på årsmøtet.

Innkomne saker må meldast styret innan 18. mars.

Årsmøtesaker:

1. Val av ordstyrar + to medlemar til å signere møteprotokollen

2. Godkjenne sakliste

3. Godkjenne årsmeldingar

4. Godkjenne rekneskapen

5. Behandle innkomne forslag

6. Fastsette kontigentar

7. Arbeidsprogram og løyvingar for komande år

8. Utsendingar av representantar til årsmøte og kretsting

9. Val

Vel møtt!

Helsing styret:

Leiar Lena M. Landsverk

Nestleiar Asgeir Hasund

Kasserar Sølvi Myklebust

Sekretær Sara Berget Bøstrand

Styremedlem Terje Slagnes

1.vara Ann-Iren N. Ekremsæter

2.vara Marion Runshaug Vik

Trea kring stadion på Løvold blir både fleire og høgare, og vi set derfor pris på om nokon har lyst til å vede. Ein såkalla vinn-vinn-situasjon for ÅIL og den som får fylt opp vedlageret sitt🤗 Ynskjer du ved, så forsyner du deg innanfor det blå området, og legg att riset på det raudmerka området, og ryddar etter deg. Vi skal få brent unna riset etterkvart.

Løp 2, 27. desember

Det stilte flotte 41 deltakarar på andre løpet i vinterkarusellen tredje juledag. Ikkje minst stilte det ein kjekk og sprek kontingent frå Stadlandet, som utgjorde ein fjerdedel av deltakarane. Vi må igjen konstatere at det er kortare frå Stadlandet og Deknepollen til Åheim enn frå Fiskå og Syvde. Jon André Thue var denne gongen raskast av mennene og Maria Borg hadde beste tida av kvinnene. Under ligg resultat.

vinterkarusell 2025 og 26-loep2.do

Om det var vinterferie, skeiseis, veding eller OL som gjorde utslaget er uvisst, men berre ti deltakarar gjennomførte runde fire i karusellen. Tre av dei sprang på tid, der både Asgeir, Elisabeth og Liv synte at forma er ganske stabil. 

vinterkarusell 2025 og 26-loep4.doc

Torsdag 22. mai, kl. 17:30 – 20:00.

Vi inviterer barn, vaksne og eldre til ein sosial dag på Løvold, med dugnadsarbeid og aktivitet/leik. Det er meldt flott vêr, og ÅIL stiller med sveler, pølse m/brød, kaffi og saft til alle frammøtte.

Ta gjerne med eit matfat om du vil!

Planlagde arbeidsoppgåver:

FOTBALLBANA

• Klippe og stelle fotballbana.

TENNISBANA

• Bendsle/feste nettet til stolpane skikkelig.
• Fylle på sand.

SANDVOLLEYBALLBANA

• Rake sandvolleyballbana.
• Kappe til gjerdet.
• Sjekke om noko må bendslast/festast.

STELL AV OMRÅDET

• Klippe småkratt og vekstar rundt flaggstengene.
• Skoge og rydde rundt tribunene.
• Høgtrykkspyle og vaske tribunene.
• Røske opp grusplassen og få bort mose/vekstar (bør ha traktor til dette).
• Klippe/fjerne busker og småvekstar grusbane/området.
• Rydde unna rusk og rask på området.
• Køyre unna pallar, rusk og busker.
• Stripse saman nettinggjerdet på altanen på klubbhuset.

BENKAR OG TRIMAPPARAT

• Vaske rastebenkane.
• Vaske og behandle stålsøppelbøtte ved tennisbane.
• Behandle rust på trimapparat.

Ta med om du har: 

• Hengar (til å frakte bort rusk)
• Traktor med grushorv (til å røske over bana m.m.)
• Gardintrapp (til bendsling av tennisbane)
• Jernbindetang
• Jernrive
• Krafse
• Motorsag/ryddesag
• Hagesaks/greinsaks/rosesaks/hekksaks
• Kantklippar
• Anna aktuelt verktøy og hagereiskap
• Arbeidshanskar

Sist, men ikkje minst - motivasjon og arbeidslyst!

Dette blir ein sosial kveld, der vi håper på like godt oppmøte og god stemning som på fjorårets aktivitetsdag, då vi offisielt opna aktivitetsparken!