Laurdag gjkk tredje runde i karusellen, med brukbare løpsforhold. Einaste i starten var det blautt over skuleplassen, noko som gjorde at starten vart flytta opp på vegen ovom kunstgrasbana. Det gjorde kanskje at løypa vart nokre sekund kortare, men likevel svært sterkt av Fredrik Hovdevik å tangere sin eigen løyperekord. Fleire andre unge sette også personlege rekordar.
Maria Borg med langt over fire minutt og søster Tuva forbetra si eiga bestenotering frå forrige løp med snart to minutt. Vidare persa Tiril Hasund med åtte sekund og Bernhard Vik med sju sekund, og også Elisabeth Hovdevik leverte ei av sine beste tider. Svært flott, no er det berre å stå på vidare.
Vi skulle likevel ønskt oss at litt fleire enn tjueseks deltakarar fann vegen til sosial trim i frisk luft, sjølv om det før på dag såg litt grått ut i periodar. Vi minner om at det er små trekningspremiar å få med seg, som åtte av deltakarane gjorde, og kansje aller mest tilfreds var Viktoria Jepsen frå Bryggja, som vann ein godtepose. For mange er det heller ikkje for seint å sikre seg minst tre løp som gir premiering og også sjanse til å vinne gåvekort på 500 kroner i siste løpet.