Erlend fekk denne gongen 10,01 som var 22 centimeter bak fjerdeplassen. Den hadde han altså klart fint om han hadde nærma seg resultatet frå forrige helg, med 10,75 i Ørsta, men truleg vart det litt lite vafler på tordagskvelden då to utanforståande luta seg inn i 4H-bevertninga. Erlend fekk elles ein 17. plass i lengde med 4,59.

For Ole Jonny gjekk det også best i kule i dag, med 9,32 meter og 7. plass som resultat. Her tok Syvde sitt stjerneskudd, Sigurd Eikrem, bronse med 10,56 som beste støt. Sigurd klarte også ein fjerdeplass på 200 meter, medan Ole Jonny tok ein 12. plass i lengde med 4,33 meter som lengstehopp. Hadde han nærma seg 4,70 som han hadde på Byrkjelo, kunne det vorte ein 6. plass, men alt i alt må vi vere fornøgde med det våre to har klart i dag, ferske i faget som dei er.