Kjetil Westerås (14) er i storform og vart nr. 4 på 60 meter under G-sportleikane på Lillehammer laurdag 26/6. På dette stemnet stiller snart 1500 av dei beste ungdommane i landet, og i 14-årsklassa var det 48 deltakarar på 60 meter. Kjetil sprang på 7,9 sekund og vann sitt innleiingsheat. Han kom dermed til A-finale der han vart nr 4 med den sterke tida 7,85 sekund, sjølv med ein dårleg start. Vinnarane hadde 7,58 sekund.

Kai-Robin Hellebust (14) sprang på 8,38 i innleiingsheatet. Også det ei sterk tid, som ga han 20. plass i denne klassa. Nokre hundredelar betre hadde gitt han plass i C-finalen. På søndag ventar 100 meter og lengde for Kjetil, og 800 meter og lengde for Kai.