Mest imponerte igjen lynraske Kjetil Andre Westerås med 7,7 sekund i forsøket på 60 meter og 7,8 i finalen. Også ei bra tid på 800 meter der han vart nr 2 med 2.29,4 minutt. Kai Robin Hellebust leverte også ei god tid med 8,3 sekund i forsøket på 60 meter og vart nr 5 i finalen.

Av andre resultat ser vi at Torgeir Skorge Aasen (12) gjorde det godt i lengde med 3,80 meter (nr5) og vart også nr 2 i høgde med 1,20 meter. I 13-årsklassa er Runar Aahjem Løvold no stabil over 4 meter (4,09 - 3.pl) og har stadig framgang, medan Terje Aahjem var best på 60 meter og vart nr 2 med 8,9 sekund. Runar vart her nr 3 med same tid.

Av jentene var Ine Flister (12) med, og viser seg stadig som eit høgdetalent, sjølv om ho denne gongen måtte nøye seg med 1,15 meter og andre plass.

Med tanke på det kalde veret og at dette var det første utandørsstemnet, ser det lyst ut framover i sesongen. Alt til helga ventar vi framgang, spesielt av Kai-Robin og Kjetil under Førdeleikane.